【香港傑出學生選舉 2022-2023】精進計劃

「香港傑出學生選舉2022-2023 – 精進計劃」已經喺暑假完滿舉行喇!眾多決選生積極參與咗一連串由青苗基金主辦嘅活動,等我哋一齊重溫一下精彩嘅活動旅程啦!

🔎傑生分享:一眾喺各自專業領域有傑出成就嘅傑生師兄師姐同各位分享心得,俾各位同學了解唔同職業,包括醫療、金融、法律、社會科學及公共行政嘅資訊。

🌅戶外體驗:今年我哋繼續邀請到Encompass HK @encompasssdg 導遊帶領決選生們夜訪龍虎山,仲沿途詳盡解釋各樣生物,幫同學了解香港嘅生態環境。除此之外,決選生通過街坊帶路 @kaifongtour 嘅長沙灣社區遊歷,對市區重建以及我地嘅社會認識更多。

🗣️演講技巧工作坊:青苗基金今年繼續邀請到國際演講會成員Terence @tip720 主持演講技巧工作坊,教導同學公眾演講技巧,並等各位決選生有機會嘗試演講。

🏘️社區教育:通過2030 SDGs Game,Encompass HK嘅導師幫同學認識各種可持續發展目標,學識如何通過合作達成可持續發展目標。今次決選生亦參加咗鐵樹銀花 @theilluminant_hk 舉辦嘅VR認知障礙症體驗工作坊,同語橋社資 @slco.org.hk 為我哋舉辦嘅聾人文化體驗工作坊同手語體驗,了解社會上唔同人士嘅需要。

希望各位決選生享受今次「精進計劃」,好感激大家嘅參與同支持。最後,感謝各位傑生師兄師姐、Encompass HK、Terence、鐵樹銀花、語橋社資同街坊帶路,為大家帶來精彩嘅活動!

Enquire here

Give us a call or fill in the form below and we'll contact you. We endeavor to answer all inquiries within 24 hours on business days.